डॉ. श्रीधर गायकवाड यांना अमेरिकन विद्यापिठाकडून मानद डॉक्टरेट

कल्पतरू मधील गोल्डन ग्रुप जेष्ठ नागरिक संघाच्या वतीने सन्मान

उमेश सणस

पिंपरी : अमेरिकन विद्यापिठाकडून मानद डॉक्टरेट मिळाल्याबद्दल डॉ. श्रीधर गायकवाड यांचा कल्पतरूमधील गोल्डन ग्रुप जेष्ठ नागरिक संघाच्या वतीने सन्मान करण्यात आला. कल्पतरू फेज ३ च्या गोल्डन ग्रुप जेष्ठ नागरिक संघाचे समन्वयक शाहू गायकवाड यांचे चिरंजीव डॉ. श्रीधर गायकवाड यांना अमेरिकन विद्यापीठाची मानद honorary डॉक्टरेट पदवी मिळाली त्याबद्दल कल्पतरू फेज ३ मधील गोल्डन ग्रुप जेष्ठ नागरिक संघाच्या वतीने यथोचित सन्मान करण्यात आला.

या वेळी प्रमुख पाहुणे म्हणून पिंपरी चिंचवड मनपाचे शिक्षण मंडळाचे माजी सभापती अभिमन्यू दहीतुले, केशवराव पाटील, रवींद्र नलावडे आणि डॉ. अशोककुमार पगारिया यांच्या हस्ते हा सन्मान करण्यात आला. या वेळी कार्यक्रम यशस्वी करण्यासाठी विश्वासराव दहिवलेकर, मोहन जगताप, काशिनाथ रेडकर, गिरीश इंगळे, रविंद्र नलावडे, गोटीराम इंगुलकर, प्रकाश देवरे कल्याणराव शिंदे, माणिकराव मार्ले, रोशन रामटेके आदी पुढाकार घेतला. या वेळी गायकवाड परिवारातील सदस्य सौ. सुरेखा वहिनी, सौ. वर्षा व सोसायटीचे अध्यक्ष अजय पाटील आणि इतर सदस्य उपस्थित होते.