पिंपळे गुरव येथील जय कानिफनाथ रसवंती गृहाचे स्थलांतर

ग्राहकांच्या अभूतपूर्व प्रतिसादामुळे भव्य शुभारंभ सोहळा

१९७३ मध्ये पुण्यातील महात्मा ज्योतिबा फुले मंडई परिसरातून सुरुवात

– उमेश सणस
पिंपरी : ग्राहकांच्या अभूतपूर्व प्रतिसादामुळे गेल्या २० वर्षांपासून पिंपळे गुरव परिसरात आपली सेवा देणाऱ्या जय कानिफनाथ रसवंती गृहाचे आता नव्या जागेत स्थलांतर करण्यात आले आहे. या नव्या जागेतील रसवंती गृहाचा आज भव्य शुभारंभ सोहळा आयोजित करण्यात आला आहे. त्यामुळे परिसरातील नागरिकांमध्ये उत्साहाचे वातावरण आहे.
जय कानिफनाथ रसवंती गृहाच्या वाटचालीला १९७३ मध्ये पुण्यातील महात्मा ज्योतिबा फुले मंडई परिसरातून सुरुवात करण्यात आली. पुरंदर तालुक्यातील बोपगावच्या मातीतून सुरू झालेल्या या व्यवसायाने गेल्या अनेक वर्षांत ग्राहकांचा विश्वास संपादन केला आहे. पुणे मुंबई तसेच महाराष्ट्रातील विविध भागांत सेवा देत या व्यवसायाने आपली वेगळी ओळख निर्माण केली आहे.
गेल्या दोन दशकांपासून पिंपळे गुरव परिसरातील नागरिकांना ताज्या आणि दर्जेदार उसाच्या रसाची चव देणाऱ्या जय कानिफनाथ रसवंती गृहाला ग्राहकांचा सातत्याने चांगला प्रतिसाद मिळत आहे. ग्राहकांची वाढती पसंती आणि मागणी लक्षात घेऊन आता अधिक प्रशस्त व सुविधाजनक जागेत रसवंती गृह स्थलांतरित करण्यात आले आहे.

ताजा रस, स्वच्छता आणि गुणवत्तेला प्राधान्य
ताजा उसाचा रस स्वच्छता आणि दर्जेदार सेवा यावर विशेष भर देण्यात येत आहे. ग्राहकांना चांगली चव आणि समाधानकारक सेवा मिळावी यासाठी व्यवस्थापनाकडून विशेष काळजी घेतली जात आहे. परिसरातील नागरिक महिला विद्यार्थी कामगार तसेच कुटुंबांसाठी ताज्या उसाच्या रसाचा आस्वाद घेण्याची सुविधा नव्या जागेत उपलब्ध झाली आहे.

ग्राहकांचा विश्वास हीच आपली खरी ताकद असून गेल्या २० वर्षांत पिंपळे गुरवकरांनी दिलेल्या प्रेम आणि प्रतिसादामुळेच व्यवसायाची वाटचाल यशस्वीपणे सुरू असल्याचे संदीप फडतरे यांनी सांगितले.