भिकोबा तांबे प्राथमिक शाळा व मेमोरियल हायस्कूल येथे पर्यावरणपूरक गणेश मूर्ती उपक्रम

पिंपरी : पिंपरी चिंचवड महापालिकेच्या ‘ड’ क्षेत्रीय कार्यालय, प्रभाग क्रमांक २७ येथील कै. भिकोबा तांबे प्राथमिक शाळा व मेमोरियल हाय स्कूल येथील विद्यार्थ्यांनी पर्यावरणपूरक गणेश मूर्ती तयार करून पर्यावरण संवर्धनाचा संदेश दिला. ड क्षेत्रीय आधिकारी अश्विनी गायकवाड, सहाय्यक आरोग्य अधिकारी राजू साबळे, मुख्य आरोग्य निरीक्षक शंकर घाटे, आरोग्य निरीक्षक गणेश राजगे व आरोग्य मुकादम प्रदिप जगताप, आबासाहेब कदम, किरण त्रिभूवन व डिवाईन सूपरवायझर यश लोंढे, मुख्याध्यापिका किन्हाळे व मुख्याध्यापक सर्जे सर यांच्या मार्गदर्शनखाली डिवाईन वेस्ट मॅनेजमेंट अँड सर्व्हिसेस यांच्या माध्यमातून पर्यावरणपूरक गणेशोत्सवाबाबत जनजागृती करत हा संदेश नागरिकांपर्यंत पोहोचविला व मूर्ती स्पर्धा आजोजित करून विद्यार्थ्यांचा प्रमाणपत्र देऊन सत्कार देखील करण्यात आला.
महापौर रवि लांडगे, उप महापौर शर्मिला बाबर, आयुक्त डॉ. विजय सूर्यवंशी, अतिरिक्त आयुक्त कुलदीप जंगम आणि उप आयुक्त डॉ. प्रदीप ठेंगल यांच्या मार्गदर्शनाखाली पूर्ण शहरभरात माझी वसुंधरा ७.० तसेच स्वच्छ सर्वेक्षण २०२६ अभियानांतर्गत पर्यावरणपूरक गणेशोत्सवाबाबत जनजागृती करण्यात येत आहे. त्याचाच एक भाग म्हणून हा उपक्रम राबविण्यात आला. गणेशोत्सवात प्लास्टिकचा वापर टाळावा, नैसर्गिक व पर्यावरणपूरक सजावटीला प्राधान्य द्यावे आणि परिसर स्वच्छ ठेवावा, असे आवाहन करण्यात आले. यावेळी हरित शिक्षक शपथ घेण्यात आली तसेच स्वच्छतेच्या घोषणांद्वारे पर्यावरण संवर्धनाचा संदेश देण्यात आला.
विद्यार्थ्यांमध्ये पर्यावरणपूरक गणेशोत्सवाची जाणीव निर्माण झाल्यास हा संदेश कुटुंब आणि समाजापर्यंत पोहोचतो. त्यामुळे पर्यावरण संवर्धनासाठी विद्यार्थ्यांनी आणि नागरिकांनी पुढाकार घ्यावा, असे सहाय्यक आरोग्य आधिकारी राजू साबळे यांनी सांगितले.